यहाँलाई हाम्रो यस बाँसगढी नगरपालिकाको आधिकारिक वेबसाइटमा स्वागत छ।                  सुचना अधिकारि: शेर बहादुर के.सि.,९८५८०२९७११

संक्षिप्त परिचय

बर्दिया नेपालको मध्यपश्चिमाञ्चल विकास क्षेत्र, भेरी अञ्चलको दक्षिा पश्चिममा पर्ने बर्दिया जिल्ला नेपालको पश्चिम क्षेत्रको अन्न भण्डारको रूपमा पनि चिनिन्छ । यो जिल्लाको पूर्वमा बाँके, पश्चिममा कैलाली, उत्तरमा सुर्खेत र सल्यान तथा दक्षिणमा भारतको उत्तरी प्रदेश पर्दछ । कुल क्षेत्रफल २०२५ वर्ग किलोमि छ । मध्ये अधिकांस भूभाग (६८.७६५) तराईको समतल जमिनले ओगटेको छ भने बाँकि भाग (३१.२७५) चुरे पर्वत पर्दछ । पहिले आदिवासी थारुहरूको बाहुल्यता रहेको यो जिल्लामा पछिल्ला दिनहरूमा वाह्य जिल्लाहरूबाट बसाई सराई गरी आउनेको भिडले गर्दा जातीय विविधता रहेको छ ।

विसं १९१४ मा भारतमा भएको सिपाही विद्रोहको समस्या समाधान गर्न तत्कालिन प्रधानमन्त्री जंगबहादुर राणाले ईष्ट ईण्डीया कम्पनीलाई सहयोग गरेवापत विसं १७७३को सुगौलीसन्धिबाट गुमेको भूभाग मध्ये पुरस्कारस्वरूप विसं १९१७ मा बाँके, बर्दिया, कैलाली र कञ्चनपुर नेपाललाई फिर्ता आएकोले बर्दिया लगायतका चार जिल्लाहरूलाई नयाँ मुलुकको रूपमा चिनिन्छ । बर्दिया जिल्ला बढैया तालको जिल्ला, गजराज हात्तिको जिल्ला, थारु बहुलको जिल्ला, जङ्गलै जङ्गलको जिल्ला, कृष्णसारको जिल्ला, पन्टुन पुलको जिल्ला तथा एक खम्बे पुलको जिल्लाको आदि नामले पनि परिचित छ ।

बाँसगढी नगरपालिका नेपालको मध्यपश्चिमाञ्चल विकास क्षेत्र अन्तर्गत भेरी अञ्चलमा पर्ने बर्दिया जिल्लामा अवस्थित एक नगरपालिका हो । स्थानीय विकास मन्त्रालयले थप ६१ वटा नयाँ नगरपालिका थप्दा बर्दिया जिल्लामा बेलवा, मोतिपुर र डेउडाकला यी ३ गाउँ विकास समितिहरूलाई समेटेर बाँसगढी नगरपालिका घोषणा गरिएको हो । बाँसगढी नगरपालिकाको केन्द्र भने साविकको बाँसगढी बजारमा रहको छ । नगरपालिकाको घोषणा र क्षेत्रविस्तारसँगै मुलुकमा  ६ महानगरपालिका, ११ उपमहानगरपालिका, २७६ नगरपालिका र ४६० गाँउपालिका कायम भएका छन्। नयाँ नगरपालिका थपिएपछि नेपालको सहरी जनसंख्याको प्रतिशत ३६ दशमलव ८ पुगेको मन्त्रालयले जनाएको छ ।

९ वटा वडा सम्मिलित यस बाँसगढी नगरपालिकाको पुर्वमा बाँके जिल्ला रहेको छ भने,पश्चिममा बारबर्दिया नगरपालिका, उत्तरमा बर्दिया नेशनल पार्क तथा दक्षिणमा बढैयाताल गाँउपालिका अवस्थित रहेको छ।
२०६.०८ वर्ग कि.मी. क्षेत्रफलमा अवस्थित यस नगरपालिकाको जम्मा जनसंख्या ५५८७५ रहेको छ।